Tjetërsim masiv i votave në Podujevë: Ja si u “avulluan” votat e kandidatëve (DOKUMENTE)

Një skandal i përmasave të mëdha po trondit procesin zgjedhor në komunën e Podujevës. 

Në disa qendra votimi ka pasur ndërhyrje drastike në formularët e rezultateve, ku kandidatëve u janë hequr ose shtuar votat në mënyrë të paautorizuar.

Sipas të dhënave të KQZ, goditjen më të madhe e kanë marrë kandidatët nga radhët e VV-së dhe LDK-së, ndërsa vërehen rritje artificiale për disa emra të caktuar.

1. Shkolla “Shaban Shala” – Ndërhyrjet e para

Në këtë shkollë, procesi ka qenë i manipuluar ku janë prekur këta kandidatë:

• Ejup Maqedonci (VV): Nga 60 vota reale, i janë hequr 48 (mbetet me 12).

• Vendenis Lahu (VV): Nga 65 vota reale, i janë hequr 16 (mbetet me 49).

• Adelina Stublla (VV): Nga 50 vota reale, i janë hequr 10 (mbetet me 40).

• Qëndrim Softolli (LDK): Nga 41 vota reale, i janë hequr 12 (mbetet me 29).

• Leutrim Retkoceri (PDK): Nga 19 vota reale, i shtohen edhe 10 (shkon në 29).

2. Shkolla “Isa Boletini” – “Masakra” me votat e VV-së

Në këtë qendër, tjetërsimi është i frikshëm, sidomos për kandidatët llapjanë:

• Ejup Maqedonci (VV): Nga 139 vota, i hiqen 106 (mbetet me 33).

• Vendenis Lahu (VV): Nga 150 vota, i hiqen 81 (mbetet me 69).

• Adelina Stublla (VV): Nga 145 vota, i hiqen 73 (mbetet me 72).

• Fitim Haziri (VV): Nga 171 vota, i hiqen 16.

• Driton Hyseni (VV): Nga 143 vota, i shtohen 30 (shkon në 173).

• Mefail Bajqinovci (VV): Nga 81 vota, i shtohen 23.

Të tjerë në këtë shkollë:

• Shtohen votat për: Hekuran Murati (+5), Xhelal Sveçla (+7), Jeta Statovci (+10), Hajrulla Çeku (+8), Mimoza Kusari-Lila (+7), Alban Bajrami (+6).

• Hiqen votat për: Donika Gërvalla (-4), Visar Hoti (LDK, -7), Qëndrim Softolli (LDK, -9), Ditjona Statovci (PDK, -20), Enver Hoxhaj (PDK, -5).

3. Shkolla “Shefki Latifi” (Pollatë) – Shifra që nuk u besojnë syve

Në Pollatë, kandidatët pothuajse janë “fshirë” nga lista:

• Ejup Maqedonci (VV): Nga 41 vota reale, i hiqen 121 (rezultat i pamundur logjikisht).

• Vendenis Lahu (VV): Nga 67 vota, i hiqen 107.

• Adelina Stublla (VV): Nga 59 vota, i hiqen 84.

• Drita Pajaziti (VV): Nga 74 vota, i hiqen 57.

• Fitim Haziri (VV): Nga 59 vota, i hiqen 47.

• Albin Kurti (VV): Nga 153 vota, i hiqen 32.

• Glauk Konjufca (VV): Nga 119 vota, i hiqen 17.

• Ditjona Statovci (PDK): Nga 19 vota, i hiqen 22.

4. Shkolla “Ali Ajeti” (Ballovc)

• Vendenis Lahu (VV): I hiqen 36 vota.

• Ejup Maqedonci (VV): I hiqen 17 vota.

• Adelina Stublla (VV): I hiqen 16 vota.

• Drita Pajaziti (VV): I hiqen 6 vota.

• Driton Hyseni (VV): I shtohen 6 vota.