Vdes mamia llapjane Sanije Topanica, iu ndihmoi grave në lindje gjatë luftës
Thaçi, sot ka takim me partitë politike për caktimin e seancës konstituive
Presidenti i Republikës së Kosovës, Hashim Thaçi, mban takim konsultativ me përfaqësuesit e partive parlamentare për caktimin e datës për mbajtjen e mbledhjes së parë të legjislaturës së gjashtë të Kuvendit, pas certifikimit të rezultateve përfundimtare të zgjedhjeve të parakohshme, të mbajtura më 11 qershor.
Takimi mbahet duke filluar në orën 10:00.
Partitë kryesore, LDK, VV dhe disa parti më të vogla kanë paralajmëruar se do ta bojkotojnë.
Lëvizja Vetëvendosje para disa ditësh ka bërë të ditur se nuk do të marrë pjesë në ftesën që iu ka bërë Thaçi, ndërsa njësoj kanë deklaruar edhe zyrtarë të koalicionit LDK-AKR-Alternativa.
Refuzimin ndaj ftesës së Thaçit e ka njoftuar edhe Lista Serbe nëpërmjet kryetarit, Goran Rakiq.
Deri më tani vetëm zyrtarë të koalicionit PDK, AAK dhe Nisma kanë konfirmuar se do t’i përgjigjen pozitivisht ftesës së Thaçit.
Ndryshe, rezultatet e zgjedhjeve janë certifikuar më 8 korrik dhe brenda 30 ditësh Presidenti duhet ta caktojë datën e mbajtjes së seancës konstituive ku zgjidhet kryetari dhe betohen deputetët e rinj.
