Thaçi shijon pritjen e përzemërt të arbëreshëve në Shën Benedikt

Presidenti i vendit, Hashim Thaçi, i cili sot nis takimet zyrtare në Kalabri, mbrëmë ka takuar komunitetin arbëreshë të Shën Benediktit dhe kryetaren Amelia Capparelli, shkruan Gazeta Metro.

Përmes një postimi në llogarinë e tij në Facebook, presidenti Thaçi ka thënë se bashkë kanë shpalosur kujtimet nga e kaluara dhe të arriturat e arbëreshëve në Kalabri.

“Mbrëmë patëm një takim të përzemërt me arbëreshë të Shën Benediktit dhe një darkë të shtruar nga kryetarja e Shën Benediktit, Amelia Capparelli. Shpalosëm kujtimet nga e kaluara dhe të arriturat e komunitetit arbëresh në Kalabri”, ka shkruar Thaçi.