Vdes mamia llapjane Sanije Topanica, iu ndihmoi grave në lindje gjatë luftës
Thaçi “godet” Hahnin: Je i ndikuar nga Serbia
Presidenti i Kosovës, Hashim Thaçi, ka akuzuar Bashkimin Europian se ka mungesë të lidershipit dhe të vizionit për Kosovën dhe se deklarata e komisionarit evropian për Zgjerim, Johanes Hahn, është e nxitur nga Serbia.
Hahn tha se deklarata e Thaçit dhe e kryeministrit të Shqipërisë, Edi Rama, për bashkimin e Kosovës dhe Shqipërisë nëse BE-ja i mbyll dyert Ballkanit Perëndimor, nuk mund t’i bëjnë presion BE-së.
Por, Thaçi ka reaguar duke thënë se komisionari Hahn i prekur nga shqetësimet e Serbisë paska shprehur zhgënjimin e tij për deklaratat që gjoja përfshijnë tendencat për krijimin e “Shqipërisë Etnike”. Për më tepër, ai paska shtuar se BE-së nuk mund t’i bëhet presion me deklarata të tilla.
“Nuk ka ‘Shqipëri të Madhe apo të Vogël’, por ka vetëm Shqipëri dhe vetëm Kosovë. Dhe do të ishte mirë që edhe BE-ja ta pranojë këtë realitet dhe të fillojë ta trajtojë Kosovën si shtet të pavarur dhe sovran”, ka thënë Thaçi.
