Të rinjtë e PDK-së organizojnë debat në Podujevë, panelist Mërgim Lushtaku e Besim Beqaj (Foto)

Kryesia e Rinisë Demokratike dega në Podujevë, për nesër ka organizuar tryezë me temë: “Cilësia në Arsim dhe sfidat e Rinsë në tregun e punës”, njofton PodujevaPRESS.

PodujevaPRESS merr vesh se panelist në këtë dabat do të jenë, deputeti i Parlamentit të Republikës së Kosovës, z. Mërgim Lushtaku (djali i ish kryetarit të Komunës së Skenderajt, z. Sami Lushtaku), deputetja Safete Hadërgjonaj, ish deputetja Selvije Halimi si dhe nga Ministria e Inovacionit, ministri z. Besim Beqaj.

Tryeza është paraparë të mbahet nesër, 28 shtator ( e premte), ora 13:00, në Restorant “ORA”.

Qëllimi i kësaj tryeze do të jenë diskutimi dhe njxerrja e konkluzioneve të përbashkëta se si duhet t’i qasemi sfidave me të cilat sot përballët  rinia.

Kujtojmë që në zgjedhjet e fundit nacionale në vitin 2017, nga radhët e PDK-së në Podujevë nuk kishte arritur askush të sigurojë votat e nevojshme për të qenë deputet në Parlament, e po ashtu askush nga Podujeva nuk mban postin e Ministrit në Qeverinë Haradinaj edhe pse  PDK e kishte mandatuar për Kryeministër të vendit. /PODUJEVAPRESS/