Të gjithë së bashku për rrëzimin e Qeverisë Kurti, Mustafa do të takohet edhe me këtë parti

Kryetari i Lidhjes Demokratike të Kosovës, Isa Mustafa, do të takohet gjatë ditëve në vijim, me kryetarin e Nismës Socialdemokrate, Fatmir Limaj.

Burime të Gazeta Blic, kanë bërë të ditur se takimi mes tyre do të ndodhë më së largu deri në fund të kësaj jave.

Siç mëson Gazeta Blic, takimi mes Mustafës dhe Limajt, do të bëhet për kordinimin e aktiviteteve mes dy partive, pas daljes së Lidhjes Demokratike nga koalicioni me Lëvizjen Vetëvendosje dhe nisjen e mocionit për ta shkarkuar qeverinë Kurti.

Një takim të tillë, Mustafa e ka zhvilluar edhe me kryetarin e AAK-së, Ramush Haradinaj.

Gjithë këto zhvillime po ndodhin pas vendimit të kryeministrit Kurti, për shkarkimin e Agim Veliut nga posti i ministrit të Punëve të Brendshme dhe Administratës Publike.

Ky shkarkim ngjalli revoltë të LDK-së, e cila vendosi të dal nga koalicioni me Lëvizjen Vetëvendosje.

Tanimë deputetët e partisë së Mustafës, kanë nisur një mocion për rrëzimin e qeverisë dhe ditëve në vijim në vijim pritet të sqarohet se a do të shkojë vendi në zgjedhje të reja, apo do të shmangen ato duke u formuar një qeveri tjetër.