Takim “sekret” i Ramush Haradinajt e Shpend Ahmetit!

Vetëm pak orë pas rrëzimit të Qeverisë Mustafa, ka ndodhur një takim ndërmjet kryetarit të AAK-së, Ramush Haradinaj dhe kryetarit të Komunë së Prishtinës, Shpend Ahmeti.

“Gazeta Blic” nga burime të saja ka marrë vesh se takimi ka ndodhur dje, në një nga restaurantet në periferi të Prishtinës dhe larg syve të opinionit.

“Takimi ka zgjatur disa orë. Haradinaj e Ahmeti kanë qenë të vetëm në tavolinë dhe ka zgjatur deri në orët e para të mëngjesit të sotëm”, thotë ky burim i portalit “Gazeta Blic”

Ndonëse nuk dihet saktësisht tema e këtij takimi, ishte vetë lideri u AAK-së, Ramush Haradinaj, ai i cili edhe publikisht e ka pranuar se edhe VV-së ia kishin preznatuar opsionin që opozita Shpend Ahmetin ta kandidoj për kryeministër të vendit. Mirëpo, vetë Ahmeti ka thënë se ai edhe për një mandat do të garoj për kryetar të Prishtinës.

Ndërkohë, më 11 qershor pritet mbajtja e zgjedhjeve të parakohshme parlamentare, pas shkarkimit të Qeverisë Mustafa nga mocioni i opozitës i mbështetur dhe nga PDK-ja në Kuvendin e Kosovës./GazetaBlic/