Tahiri akuzon VV-në: Një deputet i juaji i ka shkruar ITU-së që të mos na e japë kodin

Ministrja e Dialogut, Edita Tahiri, në seancën e rregullt të Kuvendit ka drejtuar akuza kundrejt deputetëve të Lëvizjes “Vetëvendosje”.

Ajo ka thënë se një deputet i kësaj partie i ka dërguar letër ITU’së duke i kërkuar që Kosovës t’ia refuzojë marrjen e kodit telefonit.

“Një deputet i Vetëvendosjes i ka shkruar letër ITU‘së duke i kërkuar që të mos i japi kodin telefonik Kosovës. Kosova ka marrë kodin telefonik ndërkombëtarë 383 nga ITU”, ka thënë Tahiri gjatë seancës së Kuvendit.

Ajo u shpreh që kërkesa nga deputeti i VV’së është dërguar me logon e Kuvendit të Republikës së Kosovës

“Ka pasur deputet nga Kuvendi, që madje me logon zyrtare, ju kanë drejtuar ITU-së duke ju thënë që Kosovës të mos ja japin kodin”./GazetaExpress/