Tahiri: 29 deputetë të VV’së nuk mund ta rrezikojnë mandatin e 91 të tjerëve

Zyrtari i Aleancës për Ardhmërinë e Kosovës (AAK), Besnik Tahiri, a thënë se rrezikimi i mandatit të deputetëve, për shkak të kërkesës së Lëvizjes Vetëvendosje për të shkuar në zgjedhje, mund të jetë vetëshkatërrues për shtetin, transmeton Gazeta Metro.

Përmes një postimi në Facebook, Tahiri ka theksuar se 29 deputetë të Vetëvendosjes nuk mund të rrezikojnë mandatin e 91 deputetëve tjerë të zgjedhur nga populli.

“Si ka mundësi që për shkak të mosmarrëveshjeve politike të partive në pushtet me u rrëziku mandati i 91 deputetëve, mandat i cili është certifikuar vetëm katër muaj më herët (27.11.2019). Pyetja shtrohet, a është VV shumicë e kualifikuar parlamentare? Përgjigjja është JO. Atëhërë, si ka mundësi që 29 deputetë me cenu mandatin e 91 deputetëve të sapo legjitimuar nga populli”, shkruan Tahiri.

Tutje, ai thotë se kjo logjikë mund të krijojë precedant të rrezikshëm i cili mund të jetë vetëshkatërrues për demokracinë dhe shtetin. /gazetametro.net