Sulmi ndaj policëve në Podujevë, reagon Shpejtim Bulliqi

Policia sonte raportoi se në orët e mbrëmjes të së enjtes disa persona janë futurë me forcë në brendësinë e një shtëpie në Dobërdol të Podujevës.

Zëdhënësja e PK-së, Flora Ahmeti, në një prononcim për media bëri të ditur se në ikje e sipër njëri nga personat e dyshuar ka shtënë me armë zjarri në drejtim të policies

E menjëherë ka reaguar kryetari i Podujevës, Shpejtim Bulliqi. Ai e ka dënuar ashpër sulmin e sontëm ndaj zyrtarëve policorë në fshatin Dobërdol

Ky është reagimi i tij:

Kam pranuar informatën se gjatë mbrëmjes në fshatin Dobërdol janë sulmuar me armë zjarri pjesëtarë të Policisë së Kosovës.

Sulmi me armë zjarri ndaj kujtdo qoftë është akt i papranueshëm, e veçmas kur ndodhë ndaj organeve të rendit.

Me këtë rast e dënoj ashpër sulmin e sontëm ndaj zyrtarëve policorë në fshatin Dobërdol.