Stavileci: Specialja dhe Demarkacioni duhet të mbyllen sa më shpejtë

Këshilltari politik i kryeparlamentarit Kadri Veseli, Blerand Stavileci thotë se temat e mëdha si Gjykata Speciale, demarkacioni, ushtria dhe dialogu me Serbinë duhet të mbyllen sa më shpejt.

Në një intervistë për ‘Epokën e Re’, ai ka thënë se shteti i Kosovës dhe qytetarët e saj nuk mund të jenë deri në pafundësi peng i disa çështjeve të caktuara.

Sipas Stavilecit, qytetarët e vendit kanë nevojë për lëvizje të lirë, për vende pune dhe për partneritet të fuqishëm me shtetet e zhvilluara.