Sot i jepet lamtumira e fundit 4-vjeçarit që u gjet i vdekur në lumë

Një rast i rëndë ka ndodhur të premten në fshatin Raskovë të Obiliqt, ku një 4-vjeçar ishte raportuar i zhdukur derisa për gjetjen e tij ishte angazhuar Shoqata e Kosovës për Kërkim-Shpëtim. Gjatë kërkimit, grupi i kërkim-shpëtimit e kishte gjetur pa shenja jete 4-vjeçarin i cili sipas Policisë kishte rënë në lumë, shkruan Gazeta Sinjali.

Familja Bajrami ka njoftuar se lamtumira e fundit do t’i jepet sot 4-vjeçarit, ndërsa kanë dhënë edhe detajet e ceremonisë së varrimit.

Sipas njoftimit, 4-vjeçari do të varroset sot, më datë 14.10.2023 me Ikindi në ora 15:35 në varrezat e fshatit Raskovë të Obiliqit.

“Me dhimbje te thelle njoftojme shokët, miqte dhe gjithë farefisin se dje ka ndërruar jetë nipi im, djali i vllaut tim, Arbër Bajramit. Varrimi i …. 4 vjeçar bëhet sot me datën 14.10.2023 me Ikindi 15:35 ne varrezat e fshatit Raskovë-Obiliq”, thuhet në njoftim.

Rastin për Sinjalin e ka konfirmuar zëdhënësi i Policisë, Agron Borovci.

“Rreth orës 18:15, është pranuar informata ndërlidhur me dyshimet për rënien në lum të një fëmije  rreth pesë vjeç, në fshatin Raskovë të komunës së Obiliqit. Policia menjëherë ka dalë në vendin e ngjarjes, me ç’rast ka vijuar kërkimet dhe gjurmimet në terren. Rreth orës 20:30 është raportuar për gjetjen e trupit të fëmijës por fatkeqësisht pa shenja jete”, tha Borovci.