Hapet zyrtarisht portali informativ PodujevaPress.com

Në qytetin e Podujevës sot, nis punën një dritare e re informative, PodujevaPress.com

Qëllimi i krijuesve të këtij portali është informimi i drejtë i lexuesve, në veçanti atyre të Podujevës, për rrjedhat politike e shoqërore. Në fokus të këtij mediumi do të jenë çështjet e lokalitetit të Podujevës dhe zëri i qytetarëve të këtij qyteti do të jetë preokupim yni në vazhdimësi.

Një ide që nisi mes bisedash të rëndomta, ndërmjet një grupi miqsh-studentë, të preokupuar me problemet e qytetit të tyre, sot u kurorëzua kjo dritare informative dhe, nga sot do të jetë në shërbim të lexuesve.

Podujevasit në PodujevaPress, veç se do të gjejnë informacione nga më të ndryshmet, si politika, shoqëria, kultura, arti, showbizzi etj, mund ta konsiderojnë këtë portal edhe si adresë për problemet e tyre.

Podujevë, 25 dhjetor 2016

Sinqerisht,

PodujevaPRESS

email: podujevapress@gmail.com