Ky është drejtori i Inspeksionit në kabinetin e Shpejtim Bulliqit
Sondazhet tregojnë se partia e Shpend Ahmetit nuk e kalon pragun
Partia Social Demokrate e Shpend Ahmetit nuk do të mund ta kalonte pragun zgjedhor për të hyrë në Kuvend, nëse zgjedhjet parlamentare në Kosovë do të mbaheshin këtë të diel.
Këtë e thotë sondazhi i sotëm i Institutit Demokratik të Kosovës (KDI).
Rezultatet e këtij sondazhi e nxjerrin PSD-në me vetëm 2 përqind.
Kjo parti është themeluar muaj më parë nga grupi i 12 deputetëve, 2 kryetarëve të komunave dhe zyrtarëve tjerë që u ndanë nga Vetëvendosje.
Në këtë sondazh të publikuar sot Lidhja Demokratike e Kosovës (LDK) ka dalë e para.
Sondazhi i prezantuar sot tregon se LDK ka një distancë të ndjeshme ndaj partive tjera rivale.
Sipas këtij sondazhi, nëse zgjedhjet parlamentare në Kosovë do të mbaheshin këtë të diel, 23.8 përqind e elektoratit do të votonin për LDK-në.
Në vendin e dytë është radhitur PDK me 18.4 përqind të votave ndërsa Vetëvendosje e treta me 16.6 përqind.
AAK është partia e fundit e cila do ta kalonte pragun prej 5 përqind të votave për të marrë ulëse në Kuvend. Sondazhi tregon se 8.8 përqind e votuesve do të votonin për partinë e cila aktualisht drejton qeverinë e Kosovës.
NISMA Social Demokrate është vetëm pak nën pragun e kërkuar me 4.9 përqind ndërsa PSD ka marrë 2 përqind të votave të respondentëve duke lënë mbrapa AKR-në me 1.7 përqind dhe Alternativën me 0.6 përqind.
Për Listën Serbe janë deklaruar 4.1 përqind të respondentëve./kallxo
