Skënderbeu në Llap, vendoset shpata e heroit kombëtar në fshatin Revuqë | FOTO

Heroi kombëtar, Gjergj Kastrioti Skënderbeu është rikthyer në bjeshkët e Llapit.

Artisti nga Podujeva, Bedri Kadriu ka ndërtuar shpatën katër metra të gjatë të Skënderbeut dhe e ka vendosur në fshatin Revuqë, transmeton Indeksonline.

Përmes një statusi ai ka thënë se përmes këtij monumenti, Skendërbeu mbetet përherë në Llap.

“Mbreti Skenderbe rikthehet në Llap. E mësonim dikur në klasë të parë, se si shpata e heroit tonë kombëtar Gjergj Kastriotit, qante shkëmbinj. I frymëzuar nga ky tregim dhe nga domosdoshmëria për të mbajtur gjallë rrënjët kombëtare, në shkëmbinjtë e bjeshkëve të Llapit, në fshatin Revuqë, kam realizuar shpatën e Skenderbeut, në gjatësi prej katër metrave.”

“Dikur Skenderbeu përmes Llapit kalonte nga beteja e Nishit, per t’u kthyer në Krujë. Tani përmes këtij monumenti, Skenderbeu mbetet përherë në Llap. 28 Nëntor 2019 Podujevë- Fsh Revuqë”, ka shkruar ai në postimin e tij.