SKANDALI I VOTAVE: Rinumërimi në Podujevë nis me “tërmet” votash, a do të ketë arrestime si në Prizren?

Procesi i rinumërimit për komunën e Podujevës ka nisur me tronditje të mëdha për listat e kandidatëve të subjekteve kryesore politike. Deri në orën 15:04 të ditës së sotme, në Qendrën e Numërimit dhe Rezultateve janë procesuar vetëm 13 nga 110 vendvotime gjithsej, që përbën vetëm 11.82 për qind të procesit. Edhe pse në fazë fillestare, shifrat flasin për një deformim masiv të vullnetit të votuesve që ishte regjistruar paraprakisht.

Në radhët e Lëvizjes Vetëvendosje, rëniet janë drastike. Albin Kurti ka 2,135 vota me një humbje prej 44 votash, ndërsa Glauk Konjufca ka 1,571 vota me 28 më pak. Saranda Bogujevci ka humbur 5 vota duke mbetur me 1,022, ndërsa Drita Pajaziti ka pësuar rënie prej 65 votash me gjithsej 973 vota. Fitim Haziri ka humbur 58 vota duke zbritur në 944, kurse goditjet më të mëdha i kanë marrë Vendenis Lahu me 246 vota më pak (gjithsej 830) dhe Ejup Maqedonci me 288 vota më pak (gjithsej 810). Në anën tjetër, Driton Hyseni ka shënuar rritje prej 53 votash duke arritur në 798. Adelina Stublla ka pësuar rënie të madhe prej 174 votash me gjithsej 780 vota, Albulena Haxhiu ka 1 votë më pak (661), ndërsa Xhelal Sveçla ka fituar 12 vota më shumë duke arritur në 589. Hekuran Murati ka 1 votë më pak (582), Donika Gërvalla-Schwarz ka humbur 10 vota (522), kurse Mefail Bajqinovci ka fituar 28 vota (506). Jeta Statovci ka 17 vota më shumë (447), Hajrulla Çeku ka fituar 6 vota (422), Avni Dehari ka humbur 7 vota (404), ndërsa Mimoza Kusari Lila ka fituar 10 vota (300). Edona Llalloshi ka fituar 9 vota (268), Shqipe Mehmeti Selimi ka humbur 24 vota (245), Arben Vitia mbetet me 243 vota pa ndryshim, Andin Hoti ka fituar 2 vota (214), ndërsa Egzon Azemi ka fituar 1 votë (161).

Te Lidhja Demokratike e Kosovës, Lumir Abdixhiku ka 632 vota me 8 më pak, Ekrem Hyseni ka humbur 5 vota (577), Arjeta Salihu Abazi ka 5 vota më pak (508), ndërsa Visar Hoti ka humbur 4 vota (460). Hykmete Bajrami ka 6 vota më pak (375), Besian Mustafa mbetet me 375 vota pa ndryshim, Qendrim Softolli ka humbur 24 vota (371), ndërsa Ukë Rugova ka fituar 3 vota duke arritur në 369.

Në Partinë Demokratike të Kosovës, Bedri Hamza ka fituar 1 votë (540), Çelë Gashi ka fituar 3 vota (343), Uran Ismaili mbetet me 233 vota pa ndryshim, Arian Tahiri ka fituar 3 vota (229), ndërsa Ditjona Statovci ka pësuar rënie të madhe prej 85 votash duke mbetur me 225 vota. Vlora Çitaku ka humbur 1 votë (199), Rrahman Rama ka humbur 6 vota (187) dhe Leutrim Retkoceri ka fituar 7 vota (177).

Te Aleanca për Ardhmërinë e Kosovës, Ramush Haradinaj mbetet me 80 vota pa ndryshim, Besnik Tahiri ka humbur 2 vota (75), Bekë Berisha ka humbur 2 vota (45), Arber Tolaj mbetet me 37 vota, ndërsa Daut Haradinaj ka humbur 1 votë (37). Time Kadrijaj ka humbur 2 vota (30), Baki Feta ka humbur 19 vota (27), Agim Çeku mbetet me 26 vota dhe Burim Ramadani ka fituar 2 vota (24).

Kjo pasqyrë tmerruese e tjetërsimit të votave në vetëm 11.82 për qind të procesit në Podujevë kërkon reagim urgjent të organeve të drejtësisë, sikurse ndodhi sot në Prizren, ku për manipulime të ngjashme u prangosën mbi 100 persona.