SKANDAL NË PODUJEVË! “Masakrohen” votat në “klasën 02” në Shkollën Ibrahim Rugova, rinumërimi nxjerr në shesh vjedhjen industriale (TË DHËNAT)

Një tërmet i vërtetë ka goditur procesin zgjedhor në Podujevë pas publikimit të rezultateve të rinumërimit për vendvotimin 1807/02 (SH.F.M.U “Ibrahim Rugova”). Ajo që po cilësohet si “klasa e skandaleve” ka zbuluar një manipulim të tmerrshëm të vullnetit të qytetarëve, ku kandidatëve u janë avulluar qindra vota brenda një kutie të vetme.

Sipas të dhënave zyrtare të sapopërditësuara nga Qendra e Numërimit dhe Rezultateve (QNR), procesi i rinumërimit për këtë njësi ka përfunduar 100%, duke demaskuar vjedhjet që ishin bërë në tavolinë.

Masakra me votat e Lëvizjes VETËVENDOSJE!

Goditjen më të madhe në këtë vendvotim e ka marrë ish-ministri i mbrojtjes, Ejup Maqedonci, të cilit i janë fshirë plot 123 vota nga rezultati paraprak. Nuk ka shpëtuar as lideri i partisë, Albin Kurti, i cili pas rinumërimit rezulton me 14 vota minus.

Vjedhja ka vazhduar me radhë: Vendenis Lahu ka humbur 84 vota, ndërsa kandidatja Adelina Stubllaështë dëmtuar me 66 vota. Fitim Haziri dhe Fahrush Rexhepi kanë secili nga 30 vota më pak pas hapjes së kutisë, ndërsa Drita Pajaziti ka humbur 26 vota. Goditje kanë marrë edhe Driton Hyseni me 13 vota minus dhe Glauk Konjufca me 5 vota më pak.

Në anën tjetër, disa kandidatëve u janë shtuar vota që nuk i kishin: Mimoza Kusari Lila ka dalë me 10 vota plus, Alban Bajrami po ashtu me 10 vota plus, ndërsa Hajrulla Çeku ka fituar 8 vota më shumë nga rinumërimi.

Avullimi i votave te PDK dhe kandidatët tjerë

Situata nuk paraqitet më mirë as te subjektet tjera. Kandidatja Ditjona Statovci ka pësuar një rënie drastike prej 41 votash, ndërsa Ilir Murtezaj ka humbur 24 vota. Edhe kandidati për kryeministër nga PDK, Bedri Hamza, ka rezultuar me 3 vota më pak sesa ishin shënuar fillimisht.