SKANDAL I PADHËNË NË POLLATË: Kandidatët dalin me “minus” vota, tjetërsim masiv në shkollën “Shefki Latifi”

Një skandal i përmasave të paprecedenta ka shpërthyer gjatë procesit të rinumërimit të 11 vendvotimeve në Podujevë, që po shërbejnë si lloj “testi” për KQZ-në. Rezultatet e përditësuara në uebfaqen zyrtare të KQZ-së për shkollën “Shefki Latifi” në Pollatë kanë zbuluar një tjetërsim masiv të votave, ku vullneti i qytetarëve është manipuluar në mënyrë drastike.

Ajo që e bën këtë skandal akoma më të dyshimtë është fakti se pothuajse të gjithë kandidatëve u janë “avulluar” votat, ndërsa i vetmi që ka shënuar rritje domethënëse është Driton Hyseni, i cili është nga ky fshat.

Tjetërsimi i votave për kandidatët e Lëvizjes Vetëvendosje:

Në këtë qendër votimi, logjika matematikore ka dështuar totalisht. Ka kandidatë që pas rinumërimit rezulton se u janë hequr më shumë vota sesa kanë pasur në kuti, duke krijuar një bilanc absurd:

• Albin Kurti: Nga 153 vota sa kishte, i janë hjekur 32 vota.

• Glauk Konjufca: Nga 119 vota sa kishte, i janë hjekur 17 vota.

• Driton Hyseni (Pollatë): Nga 89 vota sa kishte, i janë shtuar edhe 16 vota të tjera.

• Saranda Bogujevci: Nga 82 vota sa kishte, i janë hjekur 13 vota.

• Drita Pajaziti: Nga 74 vota sa kishte, i janë hjekur 57 vota.

• Vendenis Lahu: Nga 67 vota sa kishte, i janë hjekur 107 vota.

• Fitim Haziri: Nga 59 vota sa kishte, i janë hjekur 47 vota.

• Adelina Stublla: Nga 59 vota sa kishte, i janë hjekur 84 vota.

• Ejup Maqedonci: Nga 41 vota sa kishte, i janë hjekur 121 vota.

• Mefail Bajqinovci: Nga 35 vota sa kishte, i është shtuar 1 votë.

• Jeta Statovci: Nga 34 vota sa kishte, i është shtuar 1 votë.

• Shqipe Mehmeti Selimi: Nga 16 vota sa kishte, i janë hjekur 29 vota.

• Ilir Kërçeli: Nga 12 vota sa kishte, i janë hjekur 17 vota.

Ndërhyrjet në listën e Partisë Demokratike të Kosovës (PDK):

As kandidatët e PDK-së nuk i kanë shpëtuar “lapsit” të komisionerëve në Pollatë. Edhe këtu vërehet i njëjti trend i dëmtimit të kandidatëve të caktuar:

• Çelë Gashi: Nga 29 vota sa kishte, i është hjekur 1 votë.

• Ditjona Statovci: Nga 19 vota sa kishte, i janë hjekur 22 vota.

• Arian Tahiri: Nga 10 vota sa kishte, i janë shtuar 3 vota.

• Nait Hasani: Nga 8 vota sa kishte, i janë shtuar 2 vota.

• Përparim Gruda: Nga 8 vota sa kishte, i është shtuar 1 votë.

Si mund të hiqen më shumë vota sesa ekzistojnë?

Skandali thellohet kur sheh se si shembull një kandidati si Ejup Maqedonci i janë hequr 121 vota, kur ai në formularin fillestar kishte vetëm 41. Kjo dëshmon se me gjasë procesverbalet e para janë mbushur me shifra fiktive me qëllim që të dëmtohen kandidatët apo të favorizohen kandidatë të tjerë.