Ska marrëveshje: Kjo ishte oferta e fundit që LDK ka për VV-në

Edhe takimi i sotëm mes kreut të LDK-së, Isa Mustafa dhe atij të VV’së, Albin Kurti, ka përfunduar pa ndonjë marrëveshje.

Isa Mustafa është parë duke u larguar nga objekti i Kuvendit duke mos folur për media, ndërsa Kurti ende nuk ka dalë, bashkë me të ka qenë edhe nënkryetarja Vjosa Osmani, raporton gazeta online veriu.info

Siç mësohet nga burimet tona brenda LDK-së, kreu i kësaj partie i bëri një ofertë Albin Kurtit, për t’ia dhënë një ministri më tepër në kohën kur do të zgjidhet presidenti nga radhët e Lidhjes Demokratike të Kosovës.

“Po është përsërit oferta e njëjtë, që kur merret presidenti më ua dhënë një ministri shtesë”, ka treguar ky burim për Veriu.info.

Ndërkohë pritet nëse Albin Kurti a do ta pranojë një gjë të tillë.

Ky takim ka ardhur Mustafa-Kurti ka ardhur pas gjithë deklarimeve që janë bërë dje në Prishtinë nga dy deputetët gjermanë, të koalicionit CDU/CSU dhe thirrjeve të Zyrës së BE’së dhe ambasadave të Anglisë e SHBA’së.