Situata e Dybalas, agjenti mbyll çështjen e rinovimit me Juventusin

Agjenti i Paulo Dybalas ka thënë se nuk ka asnjë dyshim që lojtari i tij do të vazhdojë me Juventusin.

Argjentinasi është në bisedime me klubin për të rinovuar kontratën tash e disa muaj,përcjell Telegrafi.

Ka pasur spekulime se ai mund të bashkohet me Real Madridin ose Barcelonën, por agjenti thotë se ai do të qëndrojë në Torino.

“Nuk ka asnjë dyshim, marrëveshja do të kryhet”, ka thënë për Gazzetta dello Sport, agjenti Pierpaolo Triulzi.

Me marrëveshjen aktuale Dybala përfiton 2 milionë euro, por paga e tij e re fikse pritet të jetë 5 milionë euro.

Më bonuset e përfshira paga e tij mund të arrijë në 7 milionë euro, duke iu afruar asaj të Gonzalo Higuain që përfiton  7.5 milionë euro. /PodujevaPRESS/