Si financohet Lëvizja Vetëvendosje

Albin Kurti, i cili është edhe kandidati i vetëm për kryetar të Lëvizës Vetëvendosje, ka shpalosur sot planin e tij për mandatin katër vjeçar. Në fjalimin e gjatë që ka mbajtur sot, ai ka përmendur tri burimet për financimin e Vetëvendosjes, shkruan Insajderi.

“Lëvizja vazhdon të financohet nga tri burime, fondi prej buxhetit të shtetit, donacionet dhe kontributi i anëtarësisë. Personat e punësuar në VV duhet të jenë të barabartë të gjithë, si në baza gjinore, ashtu edhe si aktivist të rinj apo të vjetër. Do të synohet të mos ketë dallime në mes pozitave”, ka thënë Kurti.

Po ashtu Kurti ka folur edhe për kompetencat vendimmarrëse ku sipas tij do të merren në forume, ndërsa mbledhja sipas tij nuk do të jetë ku një flet e të tjerët dëgjojnë.

LEXO EDHE: Kjo është lista e deputetëve të VV-së që injoruan tubimin e Albin Kurtit

“Detyrat e të gjithëve duhet të jenë të paraqitura qartë dhe për çdo muaj do të bëjnë një vlerësim të punës së tyre dhe do ta dorëzojnë tek sekretariati i tyre. Pozitat e larta në Vetëvendosje, siç janë ato të kryetarit sekretarit dhe deputetit do të jetë e shkruar dhe e përcaktuar. Kompetencat vendimmarrëse çdo herë e më shumë do të merren në forumet. Forumet politike do të jenë afatet e rregullta. Mbledhjet nuk do të jenë ku njëri flet e të tjerët dëgjojnë”, ka thënë Kurti.