Ky është drejtori i Inspeksionit në kabinetin e Shpejtim Bulliqit
Shpend Ahmeti mbron ata që dhanë dorëheqje, bën thirrje për kompromis
Kryetari i Komunës së Prishtinës, Shpend Ahmeti, ka komentuar dorëheqjet që kanë ndodhur në Lëvizjen Vetëvendosje. Ahmeti në një postim në Facebook u ka dalë në mbrojte atyre që kanë lënë postet në VV, duke u bërë thirrje në kompromis.
“Dorëheqjet në VV janë humbje, pa marr parasysh nga cili këndvështrim e sheh. Të gjithë janë të vlefshëm dhe të domosdoshëm për VV që është apo ishte pranë fitores. Në qoftë se ndodh ndarja do të jenë të gjithë më të dobët, edhe ata që rrijnë edhe ata që shkojnë, edhe deputetët edhe kryetarët. Thirrje për të gjithë të ulen bashkë”, ka shkruar ai.
Ahmeti ka thënë se mendime ndryshe ka çdo kund, dhe sidomos, sipas tij kur organizatat rriten.
“Mendime ndryshe ka me pas gjithmonë e posaçërisht kur organizata rritet”, ka thënë Ahmeti.
