Shpejtim Bulliqit i largohet edhe një drejtoresh, përsëri problem me Drejtorin e Inspeksionit

Me kërkesë të Drejtoreshës së Inspeksionit, Florentina Osmani, për t’u liruar nga detyra si drejtore e këtij dikasteri për shkak të angazhimeve të tjera profesionale, ajo sot është liruar nga kjo detyrë., kështu thuhet në njoftimin e bërë publik nga komuna e Podujevës, transmeton PodujevaPRESS.net

Në njoftimin thuhet se kryetari Bulliqi e ka falënderuar ish drejtoreshën Osmani për punën dhe kontributin e saj për periudhën që ka udhëhequr me këtë dikaster.

Ndërsa ish drejtoresha e ka falënderuar kryetarin Bulliqi për besimin, bashkëpunimin dhe ka shprehur gatishmërinë e plotë që të ndihmojë komunën në aspektin profesional çdo here, përfundon njoftimi.

Mirëpo burimet e PodujevaPRESS, brenda komunës kanë treguar se Florentina Osmani është larguar nga pozita gjatë kohës sa ishte Bulliqi në ShBA. Kujtojmë se kjo është drejtoresha e 4-të largohet nga kjo drejtori me shumë probleme.