Podujevë: E rrah gruan në prezencë të punëtorëve të Qendrës për Punë
![Shpejtim Bulliqi zhvilloi takim me organizatën “You Can Do”](https://podujevapress.net/wp-content/uploads/2023/03/333798396_151843924397347_272844554388833565_n.jpg)
Shpejtim Bulliqi zhvilloi takim me organizatën “You Can Do”
Sot gjatë ditës kryetari i Komunës, Shpejtim Bulliqi bashkë me kryesuesin e kuvendit, Hilmi Hoxha dhe drejtorët Avni Fetahu dhe Antoneta Ejupi kanë pritur në takim përfaqësues të organizatës jo-qeveritare, “You Can Do”, organizatë kjo e cila ka për qëllim aftësimin dhe riaftësimin e personave të verbër.
Kryetari Buliqi me përfaqësuesit e kësaj organizate kanë diskutuar për sfidat me të cilat ballafaqohen personat e verbër në përditshmëri, me theks të veçantë u diskutua për krijimin e mundësive të reja për punësim, shkollim dhe integrim të plotë të këtij komuniteti në sferën publike.
Kryetari Bulliqi iu premtoi mbështetje në aktivitetet e tyre dhe i inkurajoi përfaqësuesit e organizatës që kur hapen thirrjet për subvencione të aplikojnë me programe e projekte të ndryshme sepse ne jemi shumë të interesuar që grupet e cenueshme t’i mbështesim dhe t’ju ofrojmë përkrahje me qëllim të përmirësimit të mirëqenies së tyre.
Po ashtu kryetari Bulliqi u shpreh se maksimalisht do të angazhohet që të krijojë mundësi punësimi për këta persona dhe integrim e qasje të plotë të personave të verbër në institucionet publike në Podujevë.
![](https://podujevapress.net/wp-content/uploads/2023/03/334516476_875755650318505_1777304633695717881_n-1024x683.jpg)