Shpejtim Bulliqi thërret mbledhje të jashtëzakonshme të KKSB-së pas ngjarjeve të fundit në Podujevë

Kryetari i Komunës së Podujevës, Shpejtim Bulliqi, ka thirrur një mbledhje të jashtëzakonshme të Këshillit Komunal për Siguri në Bashkësi (KKSB), pas rasteve të fundit që kanë ndodhur në territorin e komunës.

Sipas njoftimit të Komunës, qëllimi i mbledhjes është analizimi i gjendjes së sigurisë, informimi nga institucionet kompetente lidhur me zhvillimet e fundit, si dhe koordinimi i veprimeve të mëtejme për garantimin e sigurisë së qytetarëve.

Mbledhja do të mbahet sot, të premten (3 korrik 2026), në objektin e ri të Komunës së Podujevës, në sallën e mbledhjeve të Kuvendit Komunal, në katin përdhesë, me fillim nga ora 10:00.

Pritet që në takim të marrin pjesë përfaqësues të institucioneve përgjegjëse të sigurisë, të cilët do të raportojnë mbi situatën aktuale dhe masat që do të ndërmerren pas ngjarjeve të fundit.