Shpejtim Bulliqi priti sot zv. Kryeministren dhe Ministrin e Shëndetësisë

Sot kisha nderin të mirëpres në takim, zv. Kryeministren e Kosovës, znj. Emilia Redžepi dhe Ministrin e Shëndetësisë, z. Rifat Latifi, ka shkruar Bulliqi, transmeton PodujevaPRESS.net

Bulliqi ka thënë se “Diskutuam për situatën epidemiologjike në komunën tonë, ndërsa ministrin e informova se komuna e Podujevës deri tash ka administruar mbi 80 mijë doza të vaksinës. Po ashtu, diskutuam edhe për Projektin e Spitalit të Përgjithshëm të Podujevës, i cili nuk ka filluar ende dhe theksova rëndësinë imediate që ka fillimi i këtij projekti.”

Sipas tij në takim ai ka ngritur shqetësimin për mundësitë e vogla për rekrutim të stafit mjekësor të mesëm, dhe për sigurimin e aparaturave për trajtimin e pacientëve në hemodializë.

Në fund u dakorduam për koordinim të angazhimeve në mënyrë që tematikat e shtruara në takim të marrin zgjidhje.