Shpejtim Bulliqi për Agim Veliun: Ai po t’kishte punuar nuk do t’i kishte humbur zgjedhjet

Kryetari i Komunës së Podujevës, Shpejtim Bullliqi ka kritikuar opozitën e mëhershme për mënyrën e qeverisjes në këtë komunë në të kaluarën.

Ai në emisionin Ekonomia N’Fokus, ka thënë se Lidhja Demokratike e Kosovës ka vazhduar me një qasje të njëjtë si në nivelin qendror ashtu edhe në nivelin komunal.

“LDK-ja, ju e keni pa që edhe në nivelin qendror po edhe në nivelin lokal pak a shumë e ka bërë një raport që ka rrjedh me shumë procese dhe me shumë pakënaqësi. Ju veç i keni pa shumë deklarata  të fundit të atyre që kanë udhëheq dhe të atyre që do të udhëheqin nesër. Ne jemi duke fol dhe do të flasim me qytetarët tanë mes punëve dhe projekteve të mira”, ka thënë Bulliqi.

Ai gjithashtu ka kritikuar edhe punën e ish-kryetarit të Komunës së Podujevës, Agim Veliut. Për të ka thënë se nëse do të kishte punuar ashtu si duhet do t’i kishte fituar zgjedhjet

“Ai po t’kish punu nuk do i kish humb zgjedhjet sigurisht që skan punu mirë edhe i kanë humb zgjedhjet. Na kemi punu mirë, jemi duke punuar edhe po interesohemi shumë për interesin e qytetarëve dhe do e kemi interesin e qytetarëve”, ka thënë ai.

Kujtojmë se zgjedhjet në Podujevë u mbajtën në nëntor të vitit që lamë pas pasi Agim Veliu kishte dhënë dorëheqje pas emërimit ministër i Brendshëm.