Shpejtim Bulliqi i shkon në zyrë Liburn Aliut, kërkon përfundim sa më të shpejt të rrugës Podujevë-Prishtinë

Sot me bashkëpunëtorë kemi zhvilluar takim me Ministrin e Infrastrukturës, Liburn Aliu dhe Zëvendës-Ministrin e kësaj Ministrie, Hysen Durmishi, thuhet në njoftimin e Shpejtim Bulliqit, transmeton PodujevaPRESS.net

Bulliqi ka thënë se “me ta kemi biseduar për realizimin e projekteve infrastrukturore në Komunën e Podujevës, sigurisht temë kyqe e bisedës ishte magjistralja Podujevë-Prishtinë, folëm për sfidat, vështirësitë dhe për domosdoshmërinë e realizimit të këtij projekti në afat sa më të shpejtë”.

Diskutuam edhe për projektet e përbashkëta që kemi si institucione si rruga “Skënderbeu”, zgjerimin e ujësjellësit në Orllan dhe folëm për trajtimin e ujërave të zeza, nevojën e menjëhershme për rregullimin e rrugës që dërgon tek Burgu i Sigurisë së Lartë e tema të tjera.

Me ministrin Aliu u dakorduam të jemi në komunikim të vazhdueshëm, në funksion të realizimit të secilit projekt të planifikuar për Komunën e Podujevës.