Shpejtim Bulliqi i ka numrat, kalon miratimi i buxhetit të Komunës së Podujevës

Kuvendi i Komunës së Podujevës po mban mbledhjen e rregullt të tij ku si pikë e dytë e rendit të ditës  është edhe Propozim Vendimi për miratimin e buxhetit të Komunës së Podujevës për vitin 2024 dhe parashikimet buxhetore 2025/2026, njofton PodujevaPRESS.net

Pro buxhetit votuan edhe grupi i këshilltarëve të PDK-së.

E për këtë ka reaguar edhe vet Bulliqi i cili përmes një postimi në facebook ka shkruar se :

“Asambleja komunale sot ka miratuar projekt buxhetin e Komunës së Podujevës për vitin 2024, buxhetin më të madh dhe më gjithpërfshirës në histori të Komunës së Podujevës, në vlerë prej 31,043,019.00 euro.

Ky projekt buxhet garanton themele të forta të ecjes përpara dhe hov të shpejtë të zhvillimit të trevës sonë në secilën sferë jetësore.

I falënderoj asamblistët për konstruktivitetin e treguar, si dhe i uroj të gjithë qytetarët llapjanë!”