Shoqëria Civile në Podujevë ndan çmimin për aktivizëm në komunitet – “Baki Ejupi” për artistin Bedri Kadriu

Demokracia Fillon Këtu, nderoi dy personalitete dhe dy Organizata me ‘Çmimin për kontribut të veçantë’ përgjatë vitit 2021

Në një ceremoni të veçantë për të katërtën herë me radhë, në prezencen e përfaqësuesve nga fusha të ndryshme,si kultura arti e shkenca, përfaqësuesve nga niveli qendrorë dhe lokal dhe akterë tjerë nga komuniteti lokal, shoqëria civile dhe media, rrjeti i organizatave ‘Demokracia Fillon Këtu’ ndau ‘Çmimet për kontribut të veçantë 2021’.

Këtë vit, çmimet u ndanë në këto kategori:

o Iniciativat që kanë sjellë ndryshim, inovacion apo progres të caktuar në komunitet/shoqëri;

o Aktivizmin që ka bërë ndryshime, ka nxitur çështje, apo ka bërë kontribut të veçantë në komunitet;

o Promovim, arritje individuale, apo grupore që kanë përfaqësuar, promovuar qytetin; dhe

o Kontribut jetësor (post mortum);

‘Çmimi për Aktivizëm në Komunitet – Baki Ejupi’ iu nda Artistit Bedri Kadriu;

‘Çmimi për Iniciativën më të Mirë Lokale’ iu nda: Organizatës ‘OAKTIV’

Çmimi për Promovimin e Qytetit’ iu nda:Shoqatës se Bjeshkatarëve Alpinist “Llapi”.

Çmimin Kontribut Jetësor’ (post mortum) iu nda: kampionit në paragllajd -Hizdri Gubetini;

E veçanta e kësaj ngjarje, është se në nderim të veprës dhe kontributit të aktivistit, Baki Ejupi, ‘Demokracia Fillon Këtu’ ka themeluar dhe do të ndajë çmimin vjetor për kontribut në komunitet, që mbanë këtë emër

Në hapje, drejtori ekzekutiv i organizatës ‘Demokracia Fillon Këtu’, Shemsi Jashari theksoi se kjo ngjarje shënon momentet kyçe të një viti angazhimesh, përpjekjesh dhe sfidash në rritje e transparencës, llogaridhënies dhe demokratizimin e institucioneve lokale. Promovimi i qeverisjes së mirë, është detyrë e përbashkët, ndërkaq shoqëria civile jo vetëm se është artikulues i kërkesave të qytetarëve, por duhet të shihet partner institucional në arritjet e përbashkëta. Ai ftoj organizatat dhe mediat që të shtojnë komunikimin dhe bashkëpunimin për tu kthyer si dritare e promovimit të shembujve të mirë dhe lidhje e qëndrueshme e qytetetarëve me pushtetin lokal.

Çmimi për kontribut të veçantë është ngjarje vjetore, që u ndahet personaliteteve që përmes anagazhimit, japin shembuj të mirë të aktivizimit qytetarë, demokratizimit dhe përfaqësimit dhe promovimit të vendit në arenën ndërkombëtare.