Shoferi nuk ia ndal autobusin të moshuarit, ai i del para i thotë ta shkelë

Janë të shpeshta rastet kur të moshuarit duhet të paguajnë biletën e autobusit në linjën 3, që është kontraktor privat nën petkun e kompanisë publike “Trafiku Urban”.

Të moshuarve ndodh që edhe në linjën publike atë 4, të mos iu hapet dera e autobusit ndonëse në vit komuna paguan për ta 9 mijë euro, raporton 038.

“I kam trokit disa herë në derë (autobusit) në stacionin te ‘Tri kapelat’, por shoferi nuk ma ka hapë derën se jam plak. Për këtë i kam dalë para autobusit me m’shkel, por pastaj ma kanë hapë derën”, ka thënë një i moshuar.

Të moshuarit nuk mund të hipin në të gjithë autobusët e rinj. Në ata të linjës 1, së fundmi është vendosur një njoftim ku thuhet se në këtë destinacion duhet paguar.

Zyrtarë në “Trafikun Urban” thonë se linja është ndërkomunale.

Sipas kryeshefit Halil Mustafa, gjysma e linjës 1 funksionon nga një operator privat që nuk ka lidhje me “Trafikun Urban” dhe nuk mund ta detyrojnë t’ i pranojë të moshuarit pa para.

Por, në Komunën e Fushë Kosovës thonë se kurrë s’kanë marrë kërkesë e as ankesë.

Kjo gjendje me të moshuarit do të vazhdojë deri në reformim të transportit publik, ka thënë kryetari Shpend Ahmeti.