Shkarkohet Nenad Rikallo |Dokument

Para pak çastesh kryeministri i Kosovës, Ramush Haradinaj ka liruar nga detyra ministrin e Bujqësisë, Nenad Rikallo, transmeton Gazeta Metro.

Me shkarkimin e ministrit të Bujqësisë, Nenad Rikallo, Qeveria e Kosovës ka arritur të sigurojë votat për miratimin e buxhetit në seancën e Kuvendit të Kosovës që do mbahet sot e që në rend të ditës ka edhe votimin e buxhetit.

Shkarkimi i ministrit të Bujqësisë, Pylltarisë dhe Zhvillimit Rural ishte kushti i fundit që Partia Socialdemokrate i kishte vënë qeverisë disa javë më parë për votimin e buxhetit.

E kryeministri Haradinaj ka marrë sot vendim që ta lirojë nga pozita e Ministrit të e Bujqësisë, Pylltarisë dhe Zhvillimit Rural, Nenad Rikalon. Lajmin e ka bërë të ditur vetë Haradinaj në profilin e tij në Facebook.

Haradinaj i shprehu falënderim ministrit në largim për bashkëpunim gjatë kohës sa ishte aktiv si ministër në Qeverinë e Kosovës.

Ndërsa, mbrëmë deputeti i PSD-së, Frashër Krasniqi paralajmëroi se para seancës së Kuvendit që do mbahej sot do të shkarkohej edhe ministri Rikallo.

“Sot kam marrë vendim dhe kam liruar nga detyra Ministrin e Bujqësisë, Pylltarisë dhe Zhvillimit Rural, Nenad Rikalo

Z.Rikalo i shprehi falënderim për bashkëpunim gjatë kohës sa ishte aktiv si ministër në Qeverinë e Kosovës.

Në proceset politike para vetes, do të respektoj angazhimin e secilit. Ministri Rikalo ishte ministër i respektuar në Qeverinë e Republikës së Kosovës.

Bashkëpunimi me përfaqësuesit e të gjitha komuniteteve dhe përfaqësuesit e komunitetit serb, do të vazhdon palëkundur. RH”, ka shkruar Haradinaj.