Shifrat e frikshme të kancerit

Shifrat e të prekurve nga sëmundja e kancerit në Kosovë kanë filluar të bëhen të frikshme. 808 raste të kancerit janë paraqitur gjatë vitit 2015. Dy vjet pas, shifrat janë rritur 100 për qind.

Trendi i rritjes vetëm në gjashtëmujorin e parë të vitit 2017 është 35 për qind, me 765 raste të reja të kancerit, shkruan sot “Koha Ditore”.

Mjekët që merren me trajtimin e pacientëve me kancer thonë se këto shifra nuk tregojnë domosdoshmërisht rritje të rasteve, por më shumë flasin për një lloj vetëdijesimi për kontrolle më të shpeshta dhe më të hershme nga ata që dyshojnë se mund të kenë kancer.