Shërohet plotësisht edhe personi i dytë nga Podujeva, e prekur nga koronavirusi më heret

Edhe personi i dytë nga Podujeva e gjinisë femër që ishte prekur nga koronavirusi është shëruar plotësisht.

Këtë për portalin PodujevaPRESS.com e kanë konfirmuar burimet e saj e ku pritet të bëhet publike shumë shpejt, ky informacion.

Sipas burimeve, pacientja e shëruar ishte liruar para disa ditësh për në shtëpi, dhe sot në testimin e fundit ajo ka dal negative. Koronavirusin pacientja e kishte marr nga vëllau i saj i cili kishte ardhur nga Italia.

Ndërsa pak më parë ka lajmëruar edhe Instituti i Shëndetit Publik të Kosovës se sot nuk kishte asnjë person me rezultat pozitiv.

Ky është njoftimi:

Sot më 02.04.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 118 mostra të marra nga rastet e hospitalizuara në Klinikën Infektive dhe nga gjurmimi i kontakteve të rasteve në terren. Nga mostrat e marra për testim në virusin SARS-CoV-2.

Rasti pozitiv është rast kontakti me vendbanim në Korishë Prizren. Do të hulumtohen të gjitha kontaktet dhe të testohen.

Nga data 08.02.2020 deri me 02.04.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 1.500 mostra të dyshimta në virusin SARS-CoV-2 dhe prej tyre, pozitive rezultojnë gjithsej 126 raste me 1 rast të vdekjes i një të moshuari 82 vjeç.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 2.642 kontakte të rasteve