Shefi i grupit të asambleistëve të LDK-së Demolli akuzon Bulliqin: Punësime si në bashqe të babës

Shefi i grupit të asambleistëve të LDK-së Valon Demolli ka hedhur akuza ndaj kryetarit të Podujevës Shpejtim Bulliqi lidhur me punësimet në këtë komunë, transmeton PodujevaPRESS.net

Demolli ka shkruar një status në Facebook ku ka thënë se: “Bulliqi e paska punësuar djalin e shoferit të tij në konkursin e fundit për infermier. Kjo tregon qartazi se punësimet familjare dhe partiake janë bërë normë në këtë qeverisje skandaloze, duke i’u mohuar qytetarëve të Podujevës e drejta për të fituar një vend pune në mënyrë meritore”.

Ai ka thënë se “Është e papranueshme dhe skandaloze se si lidhjet personale dhe politike po vendosin fatin e punësimit në vend të kualifikimeve dhe meritave”.