Sërish drejtor: Nazim Sahiti, nga Krimet Ekonomike, drejtor në Departamentin për Kufij

Drejtori i Përgjithshëm i Policisë, Rashit Qelaj, ka shkarkuar nga pozita Drejtorit të Krimeve Ekonomike në Policinë e Kosovës, Nazim Sahiti.

Burimet e Gazetës Metro kanë mësuar se Nazim Sahiti do të i jepet një detyrë e re, ai tani është caktuar Drejtor i Departamentit për Kufi në vend të ish-drejtorit Shaban Guda.

Po ashtu Metro mëson se edhe tetë pozita të larta në Policinë e Kosovës që mbajnë zyrtar të ndryshëm do të shkarkohen nga pozita e tyre pas disa skandaleve gjatë kohës së fundit dhe problemet që kanë me ligjin disa zyrtarë policorë.

Nazmi Sahiti ishte personi që bashkë me kolegun e tij, Avni Berisha ose siç njihet ndryshe në publik me emrin ‘Tarkani’, ishte përfshirë në rrahjen e menaxherit të Telekomit Agron Mustafës në qendër të Prishtinës.

Kujtojmë se deputeti Milaim Zeka ka hapur rast ndaj këtij të fundit, Nazmi Sahitit dhe dy zyrtarëve të tjerë policorë, Avni Namani dhe Ejup Isufi, të përfshirë në rastin e publikimit të audioinqizimit ku protagonistë kryesor ishin Milaim Zeka dhe Ilir Krasniqi./gazetametro.net