Sejdiu i AKR-së: Të tejkalohet problemi, të votohet kandidati i PAN-it!

Deputeti i Aleancës Kosova e Re, Korab Sejdiu beson se në seancën e 24 gushtit do të përfundojë bllokada e krijuar tash e një kohë të gjatë. Në një prononcim për “Indeksonline”, deputeti i AKR-së tregon se ultimatumi i Behgjet Pacollit ishte thjesht për një pajtim midis dy partive, LDK-së dhe Lëvizjes “Vetëvendosje”.

“Natyrisht që presidenti Pacolli e ka bërë në cilësinë e nxitjes së bashkëpunimit në mes të koalicionit tonë dhe Lëvizjes “Vetëvendosjes” me qëllim që me pas unifikim të një shumice që ekziston në parlament dhe që ata me i shty për me pas një bashkëpunim për funskioniaizmin e Kuvendit dhe pastaj Qeverisë”, ka thënë ia.

Mirëpo, Sejdiu hedh dyshime që koalicioni PAN mund edhe mos të marrë pjesë në seancën e ardhshme të Kuvendit. “Nëse e shikojmë historinë e veprimit të PAN-it ku ata vazhdimisht kanë premtuar se do të vijnë dhe do ta propozojnë kandidatin e tyre për kryeparlamentar, atëherë ka shumë pak bazë që ata do të bëjnë dicka pozitive me 24 gusht. Por, shpresojë se ata do të vijnë dhe vijnë me propozim e pastaj të procedohet tutje për konstituim të Kuvendit”, është shprehur ai.

Në fund, deputeti Sejdiu thotë se sipas aktgjykimit të 2014-ës  të Gjykatës Kushtetuese me drejt apo padrejtë atyre i takon PAN-it për ta propozuar kandidatin për kryeparlamentar.

“Natyrisht se është një detyrë që duhet tejkaluar për të pas mundësi që pastaj të procedojmë tutje dhe të vazhdohet me funksionalizimin e qeverisë. Nuk ka pas asnjë indikacion që ndonjë deputet i AKR-së do ta votojnë pro PAN-it. Me sa e di unë gjithë deputetët e AKR-së qëndrojnë besnik vendimit fillestar që të jemi pjesë e koalicionit tonë të gjerë, me LDK-në dhe Alternativën”, ka thënë ai. /Indeksonline/