Scott ka rrënuar parafytyrimin (serb) se ShBA-të po e ndryshojnë politikën

Deklarata e ambasadorit amerikan nuk paraqet befasi. Shtetet e bashkuara të Amerikës që nga fillimi e kanë mbështetur krijimin e Kosovës si shtet të pavarur, i kanë thënë zyrtarë e analistë serbë gazetës “Danas”, ndërsa “të pështyrat” të cilat i drejtohen ambasadorit i kanë vlerësuar si atë që “kryteari serb Vucic mendon intimisht e sinqerisht”

Këto të pështyra, të cilat mbi shtetet perëndimore e diplomatët i publikojnë tabloidët (serbë) si “Informer”, “Telegraf”, “Alo”…, kjo në fakt është ajo që Aleksandar Vucici, kryetar i Serbisë, vërtet mendon për të gjithë këta… Intimisht e sinqerisht.

“Kështu që nuk duhet të habisin këto sulme të zyrtarëve serbë ndaj ambasadorit amerikan për shkak të deklaratës së tij se Kosova për Shtetet e Bashkuara të Amerikës është shtet i pavarur”, ka vlerësuar Goran Jesic, deputeti i Partisë demokratike në Kuvendin e Serbisë për gazetën beogradase “Danas”, sulmin më të ri të kryetarit e të kryeministres serbe, si dhe të ministrave në Qeveri, ndaj Kyle Scottit, ambasador i ShBA-ve në Serbi.

“Kjo është diplomacia serbe në manirin më të mirë… Kështu ata e udhëheqin dhe e përfaqësojnë shtetin tonë. Me gjakftohtësi e pështyjnë ambasadorin, pa kurrëfarë turpi… Duan të zhvillojnë bisedime për Kosovën, ndërsa e dinë shumë mirë se për zgjidhje kompromisi më të rëndësishme janë marrëveshjet me BE-në e ShBA-të”, përfundon Jesic, trasnemton gazetametro.net.

“Deklarata e ambasadorit amerikan nuk paraqet befasi. Shtetet e bashkuara të Amerikës që nga fillimi e kanë mbështetur krijimin e Kosovës si shtet të pavarur. Qëndrimi i tyre është i njohur më shumë se një decenie, e si ka theksuar edhe ambasadori në fillim të deklaratës së tij, “nga pikëpamja jonë qeveria e Kosovës nuk është e ashtuquajtur”. Në esencë, problemi qëndron në atë se Scott e ka rrënuar parafytyrimin joreal mbi ndryshimin e qëndrimit të ShBA-ve ndaj çështjes së pavarësisë së Kosovës”, ka thënë Stefan Surlic, politikolog e asistent në Fakultetin e shkencave politike në Beograd.

Ai më tej i ka thënë gazetës se nëse ideja për përkufizimin ka mbështetjen nga ana e Uashingtonit, e ka në kontekst të garancisë së përhershme për pavarësinë e Kosovës.

“Në qoftë se në diskursin tonë (serb) flitet për korrigjimin e kufijve, ku “korrigjimi” lexohet si fitim, akcenti i Shteteve të Bashkuara është në “kufi” si marrëveshje e qëndrueshme dhe përcaktim i vijës kufitare ndërmjet Serbisë e Kosovës. E tërë ngjarja mund të titullohet si “mos e vrit lajmëtarin”, i cili në bazë të instruksioneve të qeverisë së tij po edhe vëzhgimit se si përfaqësuesit e Qeverisë së Serbisë në baza të barabarta tashmë me vite bisedojnë me përfaqësuesit e Kosovës në Bruksel, mund të përfundojë se për Uashingtonin, po edhe për Beogradin Qeveria në Prishtinë ka kohë që nuk është e ashtuquajtur”, përfundon Simic.

/gazetametro.net