SBASHK-u kishte refuzuar që mësimdhënësit të testoheshin dhe më të mirëve t’iu rritej paga

Sindikata e Bashkuar për Arsim, Shkencë dhe Kulturë [SBAShK] do të futet së shpejti në javën e dytë të grevës së përgjithshme pasi kërkesa për rritje të pagave përmes projektligjit të ri po refuzohet nga MASHT-i.

Por, muaj më parë derisa po vlerësohej testimi i PISA-s dhe ishte krijuar një pajtim i përgjithshëm se cilësia në arsim ishte e dobët, kjo sindikatë kishte qenë kundër që të kishte çfarëdo testimi për mësimdhënësit.

Kryetari i saj, Rrahman Jashari, kishte thënë se nuk do të lejonin test me shkrim për njohuritë e mësimdhënësve kurrë. Vlerësimin ai e kishte kërkuar – siç ndodh edhe tash – përmes inspektorëve profesionalë.

Paralajmërime për vlerësim të mësimdhënësve ishin bërë nga ministri i Arsimit, Shyqiri Bytyqi. Ai kishte paralajmëruar madje edhe rritje eventuale të pagës në bazë të performancës. /Periskopi