Rusinovci: Fidanet e mjedrave në Podujevë, të infektuara

Profesori i Bujqësisë, Imer Rusinovi në emisionin Pasdite në Tribunë në Tribuna Channel ka folur rreth mbjelljeve pranverore. Ai tha se muaji prill njihet si periudhë kohore që përkon me datat kalendarike të afateve optimale të mbjelljeve të kulturave pranverore në veçanti, misrit dhe lulediellit, patatës por dhe perimet.

“Çështja e produktivitetit të punës në prodhimtarinë e bujqësisë primare është relativisht e ulët, dhe nëse krahasohemi me vendet e rajonit, normalisht që në këtë sistemim grupohemi në vendin e fundit. Meqë nuk po arrijmë që të bartim transfere të reja tekonologjike tek fermerët”.

Rusinovci tha se çështja e bruto prodhimit vendor gjithashtu nuk është e knaqshme.

“Duke pasur parasysh faktin e resursve tona klimatike, për katër produktet kryesore bujqësore sipas statistikave të nxjerrura, importi i produkteve brenda vitit i kalon mbi 600 milion euro”.

Ai foli edhe për subvencionet që po bëhen në fushën e bujqësisë, tha se janë nisma të mbara. Ndërsa shtoi se duhet të zbatohet Ligji dhe furnitorët që e furnizojnë tregun me impute bazë bujqësore të jenë më shkallë të duhur të seriozitetit dhe t’i plotësojnë standardet.

LEXO EDHE: Ja çfarë pluhuri po shkaktohet gjatë punimeve në rrugën Gllamnik-Podujevë! (Video/Foto)

“Në dy tri vitet e fundit është bërë një gabim sepse pjesa dërmuese e fermerëve dhe veçanti në regjionin e Podujevës janë përpjekur ta intensifikojnë kultivimin e mjedrës, por se të dhënat nga tereni janë sa shqetësuese se të njëjtit kanë përdorur fidane të infektuara dhe në bazë të simptomave që vërehen në teren, dyshoj se në një periudhë shumë të shkurtë kohore, sipërfaqe të tëra të mbjellura me mjedra do të dështojnë si rezultat i neglizhencës, ose mos përgjegjësisë përkatëse të institucionit, pasi që kemi të bëjmë me fidane relativisht shumë të infektuara dhe një pjesë e madhe e tyre janë kancerogjene”./ GazetaTribuna