Rudari: Mësimdhënësit që dalin në pension nuk po i marrin 3 paga shtesë, komuna e Podujevës po u jep mirënjohje

Gjatë seances së fundit të asamblesë komunale, njëri nga asambleistët e PDK-së Fatmir Rudari shfaqi disa shqetësime që kanë të bëjnë me gjendjen në arsim në komunën e Podujevës, transmeton PodujevaPRESS.com

Derisa po debatohen për gjendjen në arsim, Rudari u shpreh se:

“Ne kemi pranuar një informat nga Drejtoria e Arsimit dhe padyshim që shqetësimi kryesor është largimi i 60 mësimdhënësve nga puna. Drejtoria e Arsimit nuk ka paraparë ndonjë plan se si të dilet nga kjo situat, po ashtu në këtë informatë thuhet se komuna e Podujevës ka ndar 90 bursa për student dhe 80 për nxënës, ne nuk e dim se çfarë kriteresh janë përdorur në këtë konkurs”. 

Ai tha se: Ju nuk i keni ndar bursë studentit me notën 9. 11 i cili i kishte plotësuar të gjitha kushtet madje i ka edhe dy anëtar të familjes student, që e plotëson edhe një kriterë shtesë, por keni ndar bursa nga 3 për një familje e 2 për një familje tjetër.

Rudari tha se edhe mësimdhënësit që dalin në pension, nuk po ju ipen 3 paga shtesë që ju takojnë me ligj, mirëpo kryetari Veliu ata po i nderon me një mirënjohje.

Rudari foli edhe per zbatinin e kurrikulës ku tha se ka filluar të zbatohet edhe pse në fillim po ka vështirësi  për shkak të kushteve, mungesës së teksteve që duhet te jenë të harmonizuara me kurrikulën. /PodujevaPRESS.com/