Rrustem Mustafa ka disa fjalë për Zahir Pajazitin, në 21 vjetorin e rënies

Ish-komandanti i UÇK-së në Zonën Operative të Llapit Rrustem Mustafa i njohur si komandant Remi, në prag të përvejtorit të rënjes së Zahir Pajazitit, Hakif Zejnullahu e Edmond Hoxha në Pestovë të Vushtrrisë, më 31 janar 1997, ka shkruar në profilin e tij në facebook se “Sot falë këtij burri, Kosova edhe shqiptarët janë të lirë dhe kane aleatë faktorët më relevantë dhe mbi të gjitha më të përparuar të botës”, transmeton portali PodujevaPRESS.com

Ky është shkrimi i Remit:

ZAHIRI IM

Po ofrohet 31 janari – 21vjetori…

Lufta e Kombit Shqiptarë…

Kryengritjet dhe luftërat kundër okupatorëve, gjdo here ka qenë detyrë e vështirë. Kështu dhe lufta e fundit e shqiptarëve kundër okupatorit shekullor, ishte një detyrë shumë e rëndë dhe gati pamundur.

Komandanti fliste, organizonte, vepronte! Ndërsa ne e dëgjonim, ëndërronim, frikesoheshim dhe pak nga pak angazhoheshim në strukturat luftarake që krijonte ai me shokët.

Me këtë betejë, Komandanti po sfidonte kohën, po kalonte mentalitetin tonë lokal dhe po krijonte njësi luftarake në çdo pjesë të Vendit.

Punës së filluar, ai po i qëndronte besnik deri në vetëmohim. Kjo u vërtetua me rënien e tij, në krye të detyrës, në Qendër te Vendit, bashkë me bashkëluftëtarët që vinin nga anë te ndryshme te vendit.

Vrasje e trefishtë e heronjëve të lirisë, në vend që të prodhonte lodhje, rezultoi me një rritje të përpjekjes për liri.

Sakrifica e tij shtoi besimin në idealet kombëtare dhe rriti shpresat për fitoren tonë përfundimtare.

Sot falë këtij burri, Kosova edhe shqiptarët janë të lirë dhe kane aleatë faktorët më relevantë dhe mbi të gjitha më të përparuar të botës.