Rritet numri i rasteve aktive me koronavirus në Podujevë, 77 raste aktive

Komuna e Podujevës është duke u ballafaquar me koronavirus, pasi numri i rasteve të reja me virusin COVID-19 është rritur në ditët e fundit.

Epidemiologia Bedrie Rama ka thënë për Gazetën Sinjali se janë 77 raste aktive me koronavirus në këtë komunë.

Sipas saj, nuk është raportuar së fundmi zyrtarisht për ndonjë rast të vdekjes nga koronavirusi, pavarësisht rritjes së rasteve.

“Raste aktive janë 77, nuk jam e njoftuar se ka pasur raste të vdekjeve nga koronavirusi”, ka thënë Rama për Gazetën Sinjali.

Gjatë ditës së djeshme kanë rezultuar 168 raste të reja me koronavirus prej tyre 11 raste nga Podujeva.