Rritet numri i lypsarëve të mitur në Podujevë

Kohët e fundit vihen re nëpër rrugë të Podujevës sërish rritja e numrit të lypsarëve të moshave të ndryshme.

Mirëpo shqetësuese është se shumica prej tyre janë fëmijë.

Madje edhe disa të mitur derisa hyjnë lokaleve, duke zgjatur dorën për ndonjë cent, mbajnë në duar edhe foshnja. Këta të mitur nuk mungojnë as rrugëve ku krijohen kolona të gjata të makinave, në xhamat e të cilave trokasin dhe kërkojnë t’u jepen para.

Megjithëse gjatë këtij viti organet e rendit kanë zhvilluar plane të ndryshme operative dhe aksione për largimin e lypsarëve, ata sërish janë shfaqur, siç ishte rasti ku disa të mitur kishin dal në sheshin e qytetit në Podujevë.

Disa të mitur shoqërohen edhe nga persona të rritur, të cilët paraqiten se janë prindërit e tyre. Siq e shihni edhe në foto aty afër janë persona të rritur të cilët po keqpërdorin këta të mitur.