Rrahje masive në Podujevë, tre persona në spital nga goditjet me mjete të forta

Dy persona në Podujevë, i kanë sulmuar fizikisht tre persona të tjerë me mjete të forta, saqë viktimave iu është dashur të marrin tretman mjekësorë në QKUK, shkruan GazetaBlic.

Lajmin e ka bërë të ditur në raportin 24-orësh, Policia e Kosovës e cila në njoftim ka treguar se se deri tek ky konflikt ka quar një mos marrëveshje mes personave në fjalë.

Ngjarja ka ndodhur në rr. Gryka e Llapit në Podujevë në ora 15:30 dhe Policia po e ka regjistruar si “vrasje në tentativë”. Bëhet e ditur se me vendim të prokurorit, të dyshuarit për kryerjen e kësaj vepre, janë dërguar në mbajtje.

Ky është njoftimi nga Policia e Kosovës:

VRASJE NË TENTATIVË

Rr. Gryka e Llapit, Podujevë, më 20.02.2018-15:30. Janë arrestuar dy të dyshuar meshkuj K/Shqiptarë, pasi që të njëjtit pas një mosmarrëveshje, kanë sulmuar fizikisht me mjete të forta tri viktima meshkuj K/Shqiptarë. Viktimat kanë pësuar lëndime trupore dhe janë dërguar për tretman mjekësor në QKUK. Me vendim të prokurorit të dyshuarit janë dërguar në mbajtje.