Vdes mamia llapjane Sanije Topanica, iu ndihmoi grave në lindje gjatë luftës
Rrahje masive në mes të Prishtinës pas një aksidenti në trafik (Foto|Video)
Rruga kryesore që e lidh Hotelin “Grand” me atë që të çon drejt Katedrales, është bllokuar totalisht për disa minuta.
Një grup njerëzish aty, janë kapur mes vete duke u rrahur keq.
Express mëson se krejt kjo ka filluar pasi shoferi i një makine ka dashur që ta shkelë një këmbësor, i cili po kalonte te vijat e bardha.
Ishte kjo arsyeja e cila shtyu këmbësorin ta fyejë shoferin, i cili më pas doli nga makina.
Express ka siguruar një video ku shihet rrahja në grup.
Në vendin e ngjarjes ka dalë edhe Policia e Kosovës.
Sipas videos, shoferi i makinës së zezë që është ndalur te vijat që janë të destinuara për këmbësorë, është kapur me disa persona të tjerë.
Kjo përleshje në grup ka bërë që e gjithë rruga të bllokohet për një kohë në atë pjesë të Prishtinës.
Gazetari i Express që ndodhet në vendin e ngjarjes, tregon se policia nuk po arrin t’i ndajë këta persona që po e sulmojnë njëri-tjetrin me grushte.
Express ju sjell video dhe foto nga vendi i ngjarjes.
