Rihapet rruga Bogë-Theth

Tiranë, 30mars – Hapet rruga për në Parkun Kombëtar të Thethit, e bllokuar nga bora prej disa kohësh për kalimin e automjeteve .

Përfundimisht aksi Shkodër-Bogë-Theth hapet edhe për mjetet motorike duke bërë të mundur kalimin e vizitorëve për në parkun e Thethit. Ky është një nga parqet më të vizitueshme në të katër stinët, duke pritur shumë vizitorë dhe turistë të huaj.

Në periudhën e dimrit kalimi bëhet me vështirësi me këmbë ose kafshë transporti.

Nga Boga deri në Theth,është një segment rrugor prej 12 km, por shumë i dëmtuar dhe gati i pa kalueshëm edhe në verë. Sezoni turistik veror është në prag dhe akoma nuk ka një iniciativë për meremetimin e kësaj rruge tepër të lakmueshme për vizitorët e natyrës.