Rifillon punën Qendra për Pajisje me Dokumente në Podujevë

Ministria e Punëve të Brendshme ka njoftuar se ka rifilluar punën Qendra për Pajisje me Dokumente dhe Regjistrim të Automjeteve në komunën e Podujevës.

Pezullimi i shërbimeve të kësaj Qendre ishte bërë javën e kaluar për shkak të rrezikut të përhapjes së COVID-19.

Por nga sot ka rifilluar puna me kapacitet të plotë.

“Ministria e Punëve të Brendshme, respektivisht Agjencia për Regjistrim Civil, njofton të gjithë qytetarët e komunës së Podujevës se Qendra për Pajisje me Dokumente dhe Regjistrim të Automjeteve e kësaj komune ka rifilluar punën e saj. Pezullimi i shërbimeve të kësaj Qendre ishte bërë javën e kaluar për shkak të rrezikut të përhapjes së koronavirusit të ri (COVID-19). Ndërsa, nga sot, me datë 10 gusht bëhet rifillimi i punës me kapacitetet e plota të saj”, thuhet në njoftimin e MPB-së.