Rezultatet zyrtare: Cilat parti politike u rritën dhe cilat u zvogëluan në zgjedhjet e 6 tetorit (Lista)
Komisioni Qendror Zgjedhor [KQZ] më në fund i certifikoi rezultatet përfundimtare të zgjedhjeve të parakohshme të 6 tetorit. Por, për dallim nga mendimi i përgjithshëm, këto rezultate dalin mjaft befasuese dhe ndërrojnë epilogun e partive politike.
Lëvizja Vetëvendosje është subjekti më i madh politik në Republikën e Kosovës me 29 deputetë. Kjo parti politike i fitoi 221 mijë e 1 votë, ose 20 mijë më shumë se në zgjedhjet e kaluara.
Por, Vetëvendosje në zgjedhjet e kaluara të 2017-s i fitoi 32 deputetë, që nënkupton se kjo parti është zvogëluar për tre deputetë, shkruan Periskopi.
Forca e ndryshimit në të vërtetë u ndodh brenda Lidhjes Demokratike të Kosovës. Kjo parti politike i mori 206 mijë e 516 vota ose 24,548 për qind. Edhe LDK-ja u rrit për 20 mijë vota.
Kjo parti në këto zgjedhje do t’i ketë 28 deputetë ndërkohë që në zgjedhjet e kaluara i kishin 29 sosh. Sidoqoftë, vlen të përmendet se në atë kohë, pjesë e saj ishte edhe AKR-ja me Alternativën të cilat i kishin gjashtë deputetë gjithsej. Pa këta deputetë, LDK mbeti me vetëm 23, ose pesë më pak se në këto zgjedhje.
Por, rritje në zgjedhje ka shënuar edhe Partia Demokratike e Kosovës [PDK], e cila arriti t’i merrte 178 mijë vota, ose 21 për qind.
Në Legjislaturën e VII të Kuvendit, kjo parti do t’i ketë 24 deputetë, ose pesë deputetë më shumë se në kohën e koalicionit PAN. /Periskopi
