Rezultatet në Podujevë: Vetëvendosja kryeson, pasuar nga LDK – shpërndarja e ulëseve në Kuvend

Sipas të dhënave më të fundit të Komisionit Qendror të Zgjedhjeve, nga 113 kuti të numëruara, subjekti politik Lëvizja Vetëvendosje me kandidatin Shpejtim Bulliqi kryeson në Podujevë me 43.22% të votave, që përkthehet në 15,468 vota.

Në vendin e dytë renditet LDK me kandidatin Ekrem Hyseni, e cila ka marrë 35.43% të votave, apo 12,681 vota.

Pas tyre, PDK pozicionohet e treta me 10.74% (3,845 vota), ndërsa Guxo renditet e katërta me 3.78% (1,354 vota).

AAK ka siguruar 2.40% (858 vota), Unioni i Blakçorëve 2.69% (962 vota), ndërsa NISMA Socialdemokrate dhe Forca e Re Kombëtare kanë marrë respektivisht 0.91% (327 vota) dhe 0.82% (295 vota).

Bazuar në këto rezultate, ndarja e 35 ulëseve në Kuvendin Komunal të Podujevës do të ishte si vijon:

Vetëvendosja – 15 ulëse

LDK – 13 ulëse

PDK – 4 ulëse

Guxo – 1 ulëse

AAK – 1 ulëse

Unioni i Blakçorëve – 1 ulëse

NISMA dhe Forca e Re Kombëtare – 0 ulëse

As votat e diasporës, që pritet të jenë rreth 1,400, nuk pritet të ndryshojnë renditjen aktuale të subjekteve politike në Podujevë.